Isa 9 | IOU | STEP | Bian Yawetä Naptali kenta Sebulun täŋo kome täŋpän wawäpäŋ yepmaŋpän mäyäk pähap nadäŋkuŋ. Ude täŋkukopäŋ kadäni kubä ahäwayäŋ täyakken kome ukäda, Mediterenian gwägu pähaptä päŋku Jodan ume kukŋi udude, ba Galili kome, äma äbanitä it täkaŋken u imaka, wäpi biŋam yäpmäŋirä kadäni waki irit u api paorek.

c 9:7 Sam 72:11; Luk 1:32; 1Ko 15:24-28; Hib 1:8

Isaiah 9

Aisaia 9:1-7

Intäjukun äma säkgämäninik kubä api ahäweko unitäŋo manbiŋam

1 ^aBian Yawetä Naptali kenta Sebulun täŋo kome täŋpän wawäpäŋ yepmaŋpän mäyäk pähap nadäŋkuŋ. Ude täŋkukopäŋ kadäni kubä ahäwayäŋ täyakken kome ukäda, Mediterenian gwägu pähaptä päŋku Jodan ume kukŋi udude, ba Galili kome, äma äbanitä it täkaŋken u imaka, wäpi biŋam yäpmäŋirä kadäni waki irit u api paorek.

2 ^bÄmawebe bipmäŋ urani gänaŋ kuŋat yäpmäŋ äbuŋo upäŋkaŋ peŋyäŋek pähap kubä kaŋkuŋ. Kumäkta biŋam itkuŋopäŋ apiŋo peŋyäŋektä peŋyäŋeŋ yämik täyak.
3 Bureni Ekäni, bänepi täŋpidäm taŋiri oretoret terak it täkaŋ. Ude täŋ yämiŋkuno unita bänep täga pähap nadäŋ gamik täkaŋ, nak täŋ-tägawani kadäniken yäpmäŋpäŋ oretoret täk täkaŋ ude, ba kome kubäkät ämik täŋpäŋ tuŋumi yäyomägatpäŋ oretoret terak inita yäpmäk täkaŋ ude.
4 Täŋpäŋ ŋode täŋ yämiŋkuno unita oretoret täŋkuŋ; Gäk iwaniye täŋo kehäromi yäpmäŋ äpun, iwaniye äbot Midian nanik unitäŋo kehäromi bian yäpmäŋ äpuno ude.
Ba iwaniyetä komi piä pähap yämiŋirä äneŋi yämagutkuno unita. Täŋkaŋ iwaniye täŋo ämik tuŋum, ämawebekaye täŋo nägät ikek u kudup kädäp api pewi ijineŋ.
Ude täŋiri ämawebekaye-ken säkgämän irit kadäni api ahäŋ yämek.

6 U imata, nanak paki kubä, nininken nanak ude ninta nimani. Nanak u ninta intäjukun itkaŋ api nibäŋ niwarek. Ude täŋirän wäpi mebäri mebäri ŋode api iwetneŋ;
Nadäk nadäk Tägagämän Nimani,
ba Anutu Pähap,
ba Nanin Tärektäreki Nämo,
ba Kwini Terak Irit täŋo Intäjukun Äma yäŋ api iwetneŋ.
7 ^cTäŋpäkaŋ intäjukun ämanin u Devit täŋo komeni yäpmäŋpäŋ itkaŋ ämawebeniye api yabäŋ yäwarek.
Täŋkaŋ intäjukun itpäŋ kehäromini taŋi ahäŋirän yabäŋ yäwat yewani gänaŋ ämawebeniye oretoret täŋpäŋ bätaki terakgän api itneŋ.
Täŋkaŋ nadäwä äpani täktäk ba täŋyäkŋarani kädet terak nämo, kudän siwoŋi terakgän yeŋgämän pewäpäŋ kaŋiwat piäni paot-paori nämo, pen api täŋ yäpmäŋ ärowek.
Bureni-inik, Yawe Kehäromi mähemitä ämawebeniyeta nadäŋ yämikinik täk täyak unita nadäk kehäromi peyak uwä burenigän api ahäwek.